Martın 6-da Sevastopol Şəhər Şurasının növbədənkənar sessiyasında şəhərin Rusiyanın tərkibinə Rusiya Federasiyasının subyekti kimi daxil olunmasına dair qərar qəbul edilib.


“UNİAN” ın verdiyi xəbərə görə, Sevastopol Şəhər Şurasının rəsmi saytında dərc olunmuş məlumata əsasən, “qərar Avropa Yerli Özünüidarəetmə Xartiyası, Ukrayna Konstitusiyasının 38, 69-cu maddələri, İqtisad, Sosial və Mədəniyyət Hüquqları haqqında Beynəlxalq Paktın 1-ci maddəsi, Vətəndaş və Siyasi Hüquqlar haqqında Beynəlxalq Paktın 1-ci maddəsi, Ukraynanın “Ukraynada Yerli Özünüidarəetmə” haqqında Qanunun 7, 26-cı maddələrini rəhbər tutaraq qəbul olunub”.



Xatırladaq ki, bir müddət əvvəl Sevastopol Şəhər Şurası şəhərin Rusiyanın tərkibinə daxil olması məsələsini martın 16-da keçiriləcək referenduma çıxarıb.