ABŞ (Amerika Birləşmiş Ştatları) prezidenti Barak Obama Ukraynanın suverenliyinin və ərazi bütövlüyünün bərpasını özü üçün birinci dərəcəli vəzifə sayır.
Ağ Evin mətbuat xidməti bu barədə Obama ilə Çin lideri Si Tszinpinin telefon danışığından sonra bildirib. Onlar Rusiya ilə Ukrayna arasında mübahisənin dinc yolla həlli yollarının tapılmasında maraqlı olduqlarını bildiriblər.
Hər iki lider Ukraynanın suverenliyinin və ərazi bütövlüyünün tərəfdarı olduqlarını bildiriblər. ABŞ prezidenti Ukrayna xalqının xarici təsir olmadan öz müqəddəratını həll etməsinə imkan yaratmağın tərəfdarı olduğunu bildirib.