Türk jurnalistlər konfransı Güney Azərbaycan türk millətini dəstəkləyən və Urmu gölünün bərpasının vacib olduğunu vurğulayan bəyanat yayıb.
Konfrans martın 19-dan 22-ə qədər Türkiyənin Əskişəhər şəhərində keçirilib. Konfransda Türkiyə, Azərbaycan, Türkmənistan, Özbəkistan, Qazaxıstan, Qırğızıstan, Quzey Qıbrıs Türk Cümhuriyyəti, İran, İraq, Makadoniya Suriya, Krım Yarımadası, Abxazıya, Çuvaşıstan, Qaqavuz, Tatarıstan, Kozovo, Doğu Türküstan və başqa ölkələrdən türk jurnalistlər qatılıb. Konfrans çərçivəsində Türk jurnalistlər Şurası yaradılıb. Urmu gölünün bərpası zərurəti gündəmə gətirilib və Türk dünyasının müxtəlif məsələləri müzakirə edilib. Türk jurnalistlər Şurasının yaradılması Güney Azərbaycanda yaşayan soydaşlarımızın dünyada səsinin eşidilməsinə kömək edəcək.