Azərbaycan müdafiə nazirinin birinci müavini - Silahlı Qüvvələrin Baş Qərargah rəisi, general-polkovnik Nəcməddin Sadıkovun rəhbərliyi ilə Baş Qərargahın zabitlərindən ibarət qrup cəbhə bölgəsində yerləşən hərbi birlik və birləşmələri təftiş edir.


Bu barədə Müdafiə Nazirliyinin mətbuat xidmətindən məlumat verilib.



Səfərin məqsədi təmas xəttində yerləşən bölmələrin döyüş qabiliyyətinin, müdafiənin dayanıqlılığının, maddi-texniki və digər təminat növləri, silah-sursat, hərbi texnika ilə təchizatın, şəxsi heyətin mənəvi-psixoloji vəziyyətinin, nizam-intizamın və sosial şəraitin yoxlanılmasıdır.