Ermənistanda 300 min uşaq (əhalinin 3,5%-i) yoxsulluq içində yaşayır. Bu barədə Ermənistan Statistika Xidmətinin açıqladığı illik məruzədə bildirilib.

Bu uşaqlardan 27 mini həddən artıq yoxsulluq şəraitindədir. Məruzədə qeyd olunur ki, 4 və daha çox uşaq sahibi olan ailələr ən yoxsullar arasında yer alır.
Əlil uşaqların 5%-i çox yoxsul, 54%-i isə yoxsul qrupun içində yer alır.
«Azg» qəzetinin yazdığına görə, UNICEF uşaq yoxsulluğunun azaldılması üçün Ermənistan hökumətini fövqəladə tədbirlərə əl atmağa çağırır. Hazırda Ermənistanda yoxsul ailələrin 67%-i, çox yoxsul ailələrin isə 26%-i dövlətdən sosial yardım ala bilir.