Təbrizin “Traxtur” futbol takımı ilə Birləşmiş Ərəb Əmirliklərinin (BƏƏ) “Əleyn” takımı arasında aprelin 1-də keçirilən futbol müsabiqəsi və bununla bağlı baş verən hadisələr, o cümlədən təhlükəsizlik qüvvələrinin izləyici qismində iştirak edən “Traxtur” tərəfdarlarına qarşı zorakı hərəkətləri və onlardan bir neçəsinin tutulduğu ilə bağlı geniş məlumat yaymışdıq. Məlumatda 20-dən çox soydaşımızın tutulması ilə bağlı da xəbər verilmişdir. Artıq tanınmış milli-mədəni fəal Əkbər Mühaciridən başqa daha bir neçə nəfər tutulanın kimliyi müəyyənləşib.

Məlum olub ki, Əli Hümməti, Nurizadə, Məhəmmədi, Səidi, Mərdani, Məleki, Əlipur və Həbib Mehrazər də tutulanlar sırasındadır. “Traxtur-Əleyn” müsabiqəsi zamanı Təbrizin səhənd stadionunda tutulan soydaşlarımız yaxalanarkən döyülüblər. Onlar ilk öncə polis idarəsinə aparılıb, sonra isə tutulanların məhkəməyə göndəriləcəyi gözlənilir.