Rusiyanın «Yedinaya Rossiya» («Vahid Rusiya») hakim partiyasının bu gün Moskvada keçirilən qurultayında ölkə prezidenti Dmitri Medvedev 2012-ci ildə keçiriləcək prezident seçkilərində Rusiyanın baş naziri Vladimir Putinin namizədliyini irəli sürülməsini təklif edib.

davam.az-ın Rusiya mətbuatına istinadən verdiyi məlumata görə, öz qərarını D.Medvedev özünün Dövlət Dumasına keçiriləcək seçkilərdə «Yedinaya Rossiya» partiyasının federal siyahısına başçılıq edərək partiyadakı fəaliyyəti və hökumətdəki işini bir qədər də gücləndirmək istəyi ilə əlaqələndirib.

D.Medvedev bildirib ki, onun qərarı dərin düşünülmüş addımdır: «Bizim yoldaşlıq münasibətlərimiz formalaşanda biz bu ssenarini müzakirə etmişik. Ötən illər strategiyanın düzgünlüyünü və formalaşmış modelin effektivliyi barədə xəbər verir».

Qeyd edək ki, bundan öncə Rusiya prezidenti D.Medvedev baş nazir, partiyanın sədri V.Putinin Dövlət Dumasına seçkilərdə «Yedinaya Rossiya» federal siyahısına başçılıq etmək təklifini qəbul edib.