Quzey Koreyanın diktatoru Kim Çen In ictimai təhlükəsizlik naziri O Son Xona odsaçan silahla atəş açaraq yandırıb.
Kommunistlər ölkəsinin naziri diktatorun dayısı Çan Son Thekə yaxın olduğu səbəbindən “xalq düşməni” elan olunub. Bu barədə Modern.az xarici mətbuata istinadən məlumat yayıb.
Kim Çen In bəyan edib ki, “xalq düşməni” Thekə İctimai Təhlükəsizlik Nazirliyinin şəxsi mühafizəsinə çevrilməsində kömək edib. Bundan əlavə, o guya Koreya Xalq Demokratik Respublikasında korrupsiya faktlarını gizlətməkdə günahkar bilinib.
Kim Çen In qəddarcasına edamdan sonra İctimai Təhlükəsizlik Nazirliyini buraxıb. Bundan əlavə, nazirliyin 11 vəzifəli şəxsinin də ya güllələndiyi, ya da həbs düşərgəsinə göndərildikləri bildirilir.