İranla ABŞ arasındakı problemlərə daha bir problem əlavə olunub.
İranın nümayəndə heyəti BMT-nin bu dəfəki iclasında iştirakdan imtina edib. Nümayəndə heyəti səbəb kimi ABŞ-ın İran diplomatlarından birinə (Həmid Abutalebi) diplomatik viza vermədiyini göstərirlər. Diplomatlar bununla bağlı BMT-yə müraciət edəndən sonra problemin həll edilmədiyini görüncə digər rəsmilərin də həmin tədbirdə iştirakdan imtina etdiyini açıqlayıblar.
Xatırladaq ki, 3 gün öncə ABŞ Dövlət Departamenti İranlı diplomat Həmid Abutalebiyə diplomatik viza verilməyəcəyini açıqlamışdı. Qurum qərarını həmin diplomatın 1979-cu il İran İnqilabı zamanı ABŞ-ın bu ölkədəki səfirliyinin işçilərini girov saxlayan bir qrup tələbənin arasında olması ilə əsaslandırır.