ABŞ-ın dövlət katibi Con kerri Cenevrədə keçirilən dörd tərəfli danışığını məhsuldar keçdiyini bildirib.
“BBC”-yə istinadən məlumatına görə, amerikalı diplomat vurğulayıb ki, əldə edilən razılaşmanı həyata keçirmək lazımdır. O, əlavə edib ki, əgər Cenevrədə əldə edilən razılaşmalar gerçəkləşməzsə, o zaman ABŞ-ın Rusiyaya qarşı sanksiyaları sərtləşdirməkdən başqa bir seçimi qalmır. Con Kerri bildirib ki, rusiyalı həmkarı və bütün diplomatlar Ukraynada təhlükəsizlik və gərginliyin azaldılması ilə bağlı konkret addımların atılması ilə bağlı razılığa gəliblər.

“Biz razılığa gəlmişik ki, bütün tərəflərin istənilən zorakılıq, hədələmə, təhrikçi əməllər, ekstremizm, irqçilik, dini dözümsüzlük, antisemitzm kimi fəaliyyətdən çəkinməlidir” -deyə, Rusiyanın xarici işlər naziri Sergey Lavrov bir müddət öncə bildirmişdi.