Ötən gün Bakı Dövlət Neft-Energetika Kollecində “İnsan alverinə qarşı mübarizə” adlı maarifləndirmə tədbiri keçirilib Tədbirin məqsədi yeniyetmə və gəncləri “İnsan alveri” mövzusunda maarifləndirmək və məlumatlılığını artırmaq idi. Tədbirdə Kollecin tələbələri,müəllim heyyəti, rəhbərliyi, İnsan Alverinə qarşı mübarizə idarəsinin əməkdaşı polis baş leytinanti Pərvanə Əzizova, İnsan alverinə qarşı QHT Koalisiyasının sədri, «XXI Əsrin Qadınları» ictimai birliyinin sədri Mahirə Əmirhüseynova, İnsan Alverinə qarşı mübarizə Koalisiyasının idarə heyətinin üzvü, Sağlam İnkişaf və Maarifləndirmə ictimai birliyinin sədri Anar Xəlilov, Təhsil Nazirliyinin əməkdaşı Zinyət Abdullayeva iştirak ediblər. Pərvanə Əzizova tədbirdə İnsan Alveri mövzusunda geniş məlumatla çıxış edərək İnsan Tədbirdə söz alan İnsan alverinə qarşı QHT Koalisiyasının sədr, «XXI Əsrin Qadınları» ictimai birliyinin sədri Mahirə Əmirhüseynova vurgulaib ki, bu alverin qurbanları təkcə qadınlar olmur. Qadınlarla yanaşı, kişilər və uşaqlar da insan alveri qurbanına çevrilə bilər. M.Əmirhüseynova həmçinin onu da bildirib ki, xarici ölkələrdən yüksək əməkhaqqı ilə iş təklifi aldıqda bunu müxtəlif yollarla araşdırmaq lazımdır. Çünki insan alverçiləri qurbanlarını bu yolla tora salmağa daha çox üstünlük verir.Daha sonra birliyin sədri insan alverinin qurbanına çevrilməyin digər metodu olan xaricdə təhsil almaq imkanı adı ilə məlumatsız şəxslərin bu bəlaya düçar olmasından da danışıb. Digər çıxışçı Anar Xəlilov isə gənclərə sosial şəbəkələrdə fəaliyyət göstərən cinayətkar dəstələrin üzvləri haqqında məlumat verərək diqqətli və ehtiyatlı olmalarını tövsiyyə etdi. Həmçinin Azərbaycan milli mənəvi dəyərlərinin də movcud qanunlarımızla yanaşı İnsan alverinə qarşı mübarizədə güclü vasitə olmasını nəzərə çatdırdı. Tədbirin sonunda tələbələrin sualları dinlənildi və cavablandırıldı.