Rusiya Cenevrə razılaşmaları üzrə heç bir öhdəliyi yerinə yetirməyib.

Bunu ABŞ dövlət katibinin Avropa və Avrasiya işləri üzrə köməkçisi Viktoriya Nuland ABŞ Nümayəndələr Palatasında çıxışı zamanı bəyan edib.

“Rusiyanın separatçılara dəstək verməkdən uzaq durması və doğru yol seçməsi üçün hələ də imkanları var”, - deyə o vurğulayıb.

ABŞ-ın maliyyə naziri Ceykob Lyu isə Konqresdəki çıxışı zamanı bəyan edib ki, ABŞ tərəfdaşları ilə birgə Rusiyaya qarşı əlavə sanksiyalar tətbiq etməyə hazırdır.

“Əgər Rusiya rəhbərliyi Ukraynada təxribatçı əməllərinə son qoymasa, biz beynəlxalq tərəfdaşlarla birgə Rusiyanın üzərinə böyük xərclər qoymağa hazırıq”, - deyə o vurğulayıb.