İsveçin Göteborq şəhərində fəaliyyətə başlayan "Qarabağ-Azərbaycan" Kültür Dərnəyinin fəalları İsveçli siyasətçi Yoran Lindbladla görüşüblər.

Bu haqda “Davam”a "Qarabağ-Azərbaycan" Kültür Dərnəyi başqanı Ceyhun Əfşar bildirib.
“Görüşdə idarə heyətinin üzvü və təşkilati bölüm məsulu Zamin Xəlilov iştirak edirdi. Bu görüş Avropa Şurası Parlament Assambleyasının (AŞPA) siyasi komitəsinin keçmiş sədri və İsveçin qurumdakı nümayəndə heyətinin sabiq rəhbəri Yoran Lindbladın təşəbbüsü ilə baş tutdu”,- deyə,Ceyhun Əfşar bildirdi.
Dərnək sədri onu da əlavə etdi ki, görüşdə bir çox məsələlər müzarikə olunmaqla yanaşı və əsas da gələcək fəaliyyətin birgə perspektivləri diqqət mərkəzində idi.
“Yoran Lindbald dərnəyin yaranma səbəbləri ilə maraqlanmış, gələcəkdə fəaliyyət istiqamətləri, birgə əməkdaşlıq haqda təkliflər vermişdir. Xüsusilə, görüş zamanı Qarabağın İsveç toplumuna tanıtdırılması yönündə fikir mübadiləsi aparılmışdır”, - deyə, dərnək sədri qeyd etdi.