Baş məşqçi ilə bağlı bir çox daxili və xarici variant olsa da, Rəsul Xətibi gözlənilmədən Təbrizin “Traxtur” futbol takımının baş məşqçisi seçildi. Mayın 31-də seçilən baş məşqçisi 1 il müddətinə tanınmış “Traxtur” takımına baş məşqçisi olacaq. Anlaşmaya əsasən, klub yeni seçilən baş məşqçiyə 750 milyon tümən ödəyəcək.

R.Xətibi İranda bir çox futbol takımında oynayıb, lakin baş məşçqçi kimi çox ciddi nəticə əldə etməyib. İllərcə “Traxtur” takımında oynayan Xətibi, keçən il keçirilən super liqa müsabiqələrində, bir müddət Təbrizin başqa bir takımı “Qostəreşe fulad”a baş məşqçi oldu.

Bəzi “Traxtur” tərəfdarları inanır ki, R.Xətibinin “Traxtur”a baş məşqçi seçilməsi futboldan kənar hadisələr və sözləşmələrlə əlaqədardır. Sosial şəbəkələrdə yeni baş məşqçinin seçilməsi ilə bağlı etiraz xarakterli yazılar dərc olunur.