Bakıda zəlzələ olub. Bu gün təxminən saat yarım öncə Bakıda zəlzələ baş verib.
Azərbaycan Milli Elmlər Akademiyası (AMEA) nəzdindəki Respublika Seysmoloji Xidmət Mərkəzinin direktoru Qurban yetirmişli Trend-ə bildirib ki, bu gün həqiqətən də Bakıda zəlzələ baş verib və müəyyən qədər hiss olunub.
Sonra Azərbaycan Milli Elmlər Akademiyası (AMEA) nəzdindəki Respublika Seysmoloji Xidmət Mərkəzindən Trend-ə bildiriblər ki, ilkin məlumatlara əsasən yerli vaxtla 11:05:28-də Xəzər dənizində zəlzələ qeydə alınıb. Zəlzələ Bakıda 3 bal gücündə hiss olunub. 5,6 maqnitudalı zəlzələ 61 km dərinlikdə qeydə alınıb.
Qeyd edək ki, iyunun 6-da da iki zəlzələ qeydə alınmışdı. Onlardan biri yerli vaxtla 01:34:19-da Xəzər dənizinin 30 km-də 3,1 maqnitudalı zəlzələ qeydə alınmışdı. Digəri isə yerli vaxtla 03:18:05-də Xəzər dənizinin 45 km dərinliyində zəlzələ qeydə alınmışdı. Hər iki zəlzələ hiss olunmamışdı.