Cenevrədə İranla ABŞ arasında Tehranın nüvə proqramı ilə bağlı danışıqların növbəti raundu başlayıb.
Təxminən beş saat davam edən danışıqlar iyunun (june) 10-da davam etdiriləcək. Bununla belə, rəsmi Tehran iyunun 9-da keçirilən görüşü konstruktiv adlandırıb. Danışıqlarda ABŞ nümayəndə heyətinə dövlət katibinin müavinləri Uilyam Berns və Uendi Şerman başçılıq edirlər. Görüşdə Avropa Birliyinin xarici işlər və təhlükəsizlik məsələləri üzrə Ali Nümayəndəsi Ketrin Eştonun müavini Helqa Şmidt də iştirak edib. Cenevrədə keçirilən danışıqlar İran və “altılıq” ölkələri arasında Tehranın nüvə proqramına dair razılıq əldə edilməsi yolunda yeni addım kimi qiymətləndirilir.