Bakı Uşaq Teatrının nəzdində fəaliyyət göstərən “Günay” teatr studiyası özünün 11-ci teatr mövsümünü böyük təntənə ilə bağlayır. 2 hissədən ibarət olan tədbir 15 iyun saat 12-də R. Behbutov adına Mahnı Teatrında keçiriləcək. I hissə vokal və xoreqrafiq nömrələr, teatrallaşdırılmış ədəbi - musiqili kompazisiyalardan ibarət olacaq. Konsertdə iştirak edir: Məmmədova Səbinə - Macarıstanda keçirilmiş Beynəlxalq müsabiqənin Qran – Pri laureatı, Yusubova Leyla - Çexiya və Bolqarıstanda 2 dərəcəli xoreqrafiya üzrə mükafata, Macarıstanda qızıl medala layiq görülmüş,Arıxova Nəzrin – Moskvada keçirilən “Canlı klassika” beynəlxalq müsabiqənin qalibi, Tahirov Eldar – bir çox beynəlxalq vokal müsabiqələrinin qalibi, “Günay” rəqs ansamblı – Macarıstanda keçirilən Beynəlxalq müsabiqənin Qran – Pri mükafatçısı.
II hissədə isə “Şelkunçik” tamaşasının premyerası olacaq. Tamaşa Qofmanın eyniadlı nağılı əsasında hazırlanmışdır. Tamaşada Çaykovskinin musiqilərindən istifadə olunmuşdur. Baş rollarda: Kainbekova Elina, Korşunov Maksim, Yusubova Leyla, Mürşüdova Leyla, Aslanova Gülər,Şeqlov Akim.
Ssenari müəllifi, quruluş və musiqi tərtibatı teatr studiyasının rəhbəri Larisa Tarusovaya, rəqslərin quruluşu isə Günəş Talıbovaya məxsusdur.