Qarşılaşma Rəhman Yusubovun qələbəsi ilə başa çatıb
Bir çox beynəlxalq turnirlərin qalibi, peşəkar boksçu Rəhman Yusubov yenidən Azərbaycan bayrağını başı üstünə qaldırıb. O peşəkar boks döyüşü gecəsində gürcü Giorgi Eliaşvili ilə qarşılaşıb.

Bu barədə danışan boksçu bildirib ki, gürcü rəqibi Giorgi Eliaşvili ilə arasında döyüş olub. Bu döyüş gözlənilməz məqamla diqqət çəkib. Belə ki, döyüş 6-cı raundda R.Yusubovun üstünlüyü ilə, rəqibin döyüşdən imtina etməsiylə nəticələnib.

Qeyd edək ki, peşəkar boksçu Rəhman Yusubov tanınmış müğənni Yaşar Yusubovun əmisi oğludur.