“İraq Şam İslam Dövləti” (İŞİD) terror təşkilatı səhər saatlarından başlayaraq 400 min türkmənin yaşadığı Təlafir qəsəbəsinə hücuma keçib.
Məlumata görə, İŞİD-in artıq 2 gündür mühasirədə saxladığı qəsəbəni güclü top atəşinə tutduğu deyilir. Təlafirə girməyə çalışan İŞİD-lə 6 minə yaxın türkmən könüllü döyüşçləri vuruşur.

Bölgədən gələn ən son məlumata görə, artıq qəsəbənin nəzarəti yavaş-yavaş İŞİD-in əlinə keçir. Minlərlə türkmən kürdlərin nəzarətində olan Sincar bölgəsinə qaçır.

İraq dövlət televiziyası Telafer yaxınlığında İŞİD-in maşın karvanına təşkil edilən hava əməliyyatında 35 terrorçunun məhv edildiyini açıqlayıb.