Hərbçilər Təl-Afar şəhərinə nəzarəti yenidən ələ ala biliblər

İraq ordusunun hərbçiləri bir müddət əvvəl İraq Şam İslam Dövləti qruplaşmasının döyüşçüləri tərəfindən işğal edilmiş Təl-Afar şəhərinə nəzarəti yenidən ələ alıb.

Bundan başqa, ordu paytaxt Bağdaddan 60 kilometr məsafədə yerləşən Bakubə şəhərindən də döyüşçüləri sıxışdırıb çıxarıb. Bununla da, İŞİD-in paytaxt Bağdada daxil olmaq planı baş tutmayıb.

İraqın baş naziri Nuri əl-Maliki kürd və sünni icmalarının liderlərinə birgə bəyanat ünvanlayaraq, döyüşçüləri silahı yerə qoymağa çağırıb. Bu arada, paytaxt Bağdadın sakinləri kütləvi şəkildə azuqə və su ehtiyatı yığır.

İraqın şimalının bir neçə strateji əhəmiyyətli şəhəri isə İŞİD döyüşçülərinin nəzarəti altındadır.