“Azərbaycan ədəbiyyatının və ədəbi fəlsəfəsinin beynəlxalq təbliğində Sizə uğurlar arzulayırıq!”

Milli Dirçəliş Hərəkatı Partiyasının sədri, millət vəkili Fərəc Quliyev Xalq yazıçısı Anarı Azərbaycan Yazıçılar Birliyinin 12-ci qurultayında Birliyin sədri seçilməsi münasibıtilə təbrik edib. Təbrikdə deyilir:

“Hörmətli Anar müəllim!
Sizi, Azərbaycan Yazıçılar Birliyinin 12-ci qurultayında yazıçılarımızın bir daha etimadını qazanaraq, Birliyə sədr seçilməyiniz münasibətilə, şəxsim və sədri olduğum Milli Dirçəliş Hərəkatı Partiyası adından təbrik edirəm! Bu, Sizin əsl ziyalı kimi qazandığınız hörmət, yazar kimi qazandığınız şöhrət və yazıçılara qarşı göstərdiyiniz səmimi dost və ağsaqqal münasibətin nəticəsidir. Xüsusən, son illərdə dövlətin diqqət və qayğısı üçün, gənc istedadlı yazarların müəyyənləşdirilib Prezidentə təqdim etməyiniz Azərbaycan xalqına edilmiş ən böyük xidmətlərinizdəndir. Sizin yaradıcılığınızın dünya səviyyəsinə çıxması ilə yanaşı, həm də bir ziyalı kimi cəmiyyətdəki nüfuzunuz, sizin bu posta layiq olmağınızın göstəriciləridir. Azərbaycan ədəbiyyatının və ədəbi fəlsəfəsinin beynəlxalq təbliğində Sizə uğurlar arzulayırıq!


Sayğılarla, Fərəc Quliyev
Milli Dirçəliş Hərəkatı Partiyasının sədri, millət vəkili ”.