Türkiyə tarixində daha bir yenilik yaşanacaq. Ölkədə ilk dəfə olaraq prezident xalq tərəfindən seçiləcək. Rəsmi təbliğat kampaniyası isə bu gündən başlayır.
Türkiyənin Yüksək Seçim Qurumu prezidentlik uğrunda yarışacaq üç namizədi belə sıralayıb: Müxalifətdə olan Cümhuriyyət Xalq Partiyası və Milliyyətçi Hərəkat Partiyasının birgə namizədi Ekmeleddin İhsanoğlu, hazırkı baş nazir Rəcəb Tayyib Ərdoğan və Xalqların Demokratik Partiyasının lideri Səlahəddin Demirtaş. Seçki bülletenlərində sıralama bu cür olacaq.

Xatırladaq ki, Türkiyədə prezident seçkiləri avqustun 10-da baş tutacaq.