Hazırda Rusiya xüsusi təyinatlıları Rostov vilayətində toplanır
Rusiya xüsusi təyinatlıları iyulun 15-də Rostov vilayətindən Ukrayna ərazisinə girəcək. Məlumatına görə, bu barədə hərbi ekspert Dmitri Timçuk açıqlama verib.

“Bazar günü etibarlı mənbədən məlumat daxil olub. Əmin ola bilərsiniz ki, sabah Rusiya xüsusi təyinatlıları Ukraynaya girəcək. Hazırda xüsusi təyinatlılar Rostov vilayətində toplanır. Onlar Rusiya Baş Kəşfiyyat İdarəsinin xüsusi təyinatlılarıdır”, - deyə Dmitri Timçuk bildirib.

O, həmçinin qeyd edib ki, xüsusi təyinatlıların Ukraynaya hansı formada daxil olacağı barədə hələ ki, məlumat yoxdur: “Ola bilsin, Rusiya onları sülhməramlılar adı ilə Ukraynaya daxil etsin”