Azərbaycan Müdafiə Sənayesi Nazirliyi tank əleyhinə raket komplekslərinin birgə istehsalına dair Ukraynanın “Luç” Korporasiyası ilə danışıqlar aparır.

Bu barədə müdafiə sənayesi naziri Yavər Camalov bildirib. Nazir deyib ki, hazırda bu korporasiya ilə “Skif” və “Baryer” tipli raket buraxılış qurğularının Azərbaycana gətirilməsi məsələsi müzakirə olunur.

Y. Camalov hazırda Azərbaycan Ordusunda keçmiş sovet istehsalı olan hərbi texnikaların modernləşməsinin aparıldığının qeyd edib: “Modernləşmədən sonra bu raket buraxılış qurğuları həmin texnikaların üzərində qurulacaq”.