Türkiyənin İzmir şəhərində 31 dekabr - Dünya Azərbaycanlılarının Həmrəylik Günü qeyd olunacaq. Bu barədə İzmir Azərbaycanlıları Mədəniyyət Mərkəzinin rəhbəri Camal Məmmədxanoğlu məlumat verib.

Onun sözlərinə görə, bu münasibətlə dekabrın 30-da İzmirdə konsert keçiriləcək: “İsmət İnönü Mədəniyyət Mərkəzində təşkil ediləcək konsertə bu şəhərdə yaşayan bütün azərbaycanlılar dəvətlidir. Həmin gün Azərbaycanın dövlət müstəqilliyinin bərpasının 20-ci ildönümünü də qeyd olunacaq”.

Tədbirdə əslən İrandan olan azərbaycanlı müğənni Ramin Fərhəngiya çıxış edəcək. Konsertdə Azərbaycandan da qonaqların iştirak edəcəyi gözlənilir.