İsrailin Qəzza sektorunda apardığı hərbi əməliyyatlar zamanı ölən fələstinlilərin sayı 884 nəfəri ötüb. Bu barədə şənbə günü "Anadolu" agentliyi məlumat verir.
Yaralıların sayı isə 5 840 nəfərə çatıb.
Bundan başqa, Qəzzada hərbi əməliyyatlar zamanı 208 uşaq və 101 qadın ölüb. Yaralı uşaqların sayı 1779-u ötüb, yaralı qadınların sayı isə 1112-ə çatıb.
İsrail ordusu hərbi əməliyyatlar nəticəsində 80 hərbçisini itirib, 300-dən çox əsgəri isə yaralanıb.
Qeyd edək ki, İsrail dünən 12 saatlıq atəşkəsə razılığını verib.