İranda super liqa rəqabətlərinin 14-cü dövrü başladı. Təbrizin “Traxtur” futbol takımı Xuzistanın “Fulad” komandasını məğlubiyyətə uğradaraq ilk müsabiqədə 3 imtiyaz aldı.
Yerli vaxtla saat 17:30-da start götürən müsabiqədə “Traxtur” keçən dövr super liqa müsabiqələrinin çempionu olmuş “Fulad”ı (2 – 1) hesabı ilə məğlub etdi.

Bununlada İran üzrə futbol klublarının super liqa rəqabətlərinin 1-ci həftəsində keçirilən müsabiqə “Traxtur”un qələbəsi ilə yadda qaldı.

“Traxtur” tərəfindən Saman Nəriman Cahan 31, Lucyano Ediniyo 82 və “Fulad” tərəfindən Mesariç 74-cü dəqiqələrdə qol vurdular.

Təbrizin Səhənd stadionunda keçirilən müsabiqəni təxminən 15000 tamaşaçı izləyib.