Ermənistanda KTMT-na kömək üçün müraciət etmək müzakirə mövzusuna çevrilib
Cəbhə xəttində yaranmış vəziyyət Ermənistanda Kollektiv Təhlükəsizlik Müqaviləsi Təşkilatına kömək üçün müraciət edib-etməməyi müzakirə mövzusuna çevirib.
,Ermənistanın müdafiə naziri Seyran Ohanyan bugünkü mətbuat konfransında ölkəsinin KTMT-dən kömək istəmək niyyətində olmadığını bildirib:

“Mən dəfələrlə demişəm ki, genişmiqyaslı döyüşlər gedərsə, Ermənistan üçün təhlükə yarandığını hiss edəriksə Kollektiv Təhlükəsizlik Müqaviləsi Təşkilatına müraciət edə bilərik. Hazırki şərtlərdə bu mənada problemimiz yoxdur".

Nazir həmçinin qeyd edib ki, zərurət yaranarsa KTMT ilə əlaqə onun və Baş qərargahın vasitəsilə mümkündür.

“Mən indi KTMT-nin yaranmış vəziyyətdən necə narahatlıq keçirdiyini, mənəvə dəstəklərini, gərginliyi aradan qaldırmaq üçün Ermənistana və Azərbaycana təsir etməyə cəhdlərini detallara ayırmaq istəmirəm".