İran prezidenti Mahmud Əhmədinejad dekabrın sonu, yanvarın əvvəlində Ermənistana səfər edəcək. “Fars” agentliyinin verdiyi məlumata görə, bunu İran prezident aparatı beynəlxalq əlaqələr departamentinin rəhbəri Məhəmməd Rza Forkani deyib. O bildirib ki, Ermənistan prezidenti Serj Sakisyanın dəvəti ilə həyata keçiriləcək səfər zamanı ikitərəfli münasibətlər və regional məsələlər müzakirə olunacaq.

Qeyd edək ki, M. Əhmədinejad əslində bu ilin iyun ayında Ermənistana səfər etməliydi, lakin səfər təxirə salınıb.