Türkiyə prezidenti postuna namizəd olan Dəmirtaş söz verib
Türkiyədə prezidentliyə namizəd, kürd əsilli Səlahətdin Dəmirtaş prezident seçilərsə, “erməni soyqırımı”nı tanayacağına söz verib. ANS PRESS-in məlumatına görə, bu barədə Türkiyə mtbuatı yazır.

S.Dəmirtaş 1915-ci ildə baş verən hadisələrə münasibətini açıqlayıb.
“Mən hüquq müdafiəçisiyəm. Uzun müddət bu vəzifədə çalışmışam. 8 ildir ki, siyasətdəyəm. Tələbə olarkən də siyasətlə maraqlanırdım. Hələ o vaxtlardan ermənilərə qarşı əsl "soyqırım" törədildiyini hesab edirdim”.

Onun sözlərinə görə, 1915-ci ildə ermənilərə qarşı “qətliam” əvvəlcədən təşkil olunub.
Prezidentliyə namizəd bildirib ki, ermənilərə qarşı qondarma soyqırımı türk xalqı deyil, həmin dövrün siyasətçiləri həyata keçirib.

Qeyd edək ki, Türkiyə prezident seçkiləri avqustun 10-da keçiriləcək. Prezident postu uğrunda 3 namizəd mübarizə aparacaq.