"Karen Petrosyanın ölüm səbəbi ilə bağlı hələlik heç bir məlumat yoxdur"
Beynəlxalq Qırmızı Xaç Komitəsinin Ermənistandakı nümayəndəliyi bir neçə gün əvvəl Azərbaycanda qəfildən ölən erməni diversant Karen Petrosyan haqqında açıqlama yayıb.
Açıqlamada bildirilir ki, hazırda BQXK erməni divesantın ölümü ilə bağlı hər hansı şərh verə bilmir.

“Bizdə Karen Petrosyanın ölüm səbəbi ilə bağlı hələlik heç bir məlumat yoxdur”, deyə BQXK-nin Ermənistandakı nümayəndəliyinin rəsmisi Zara Amatuni deyib.

Qeyd edək ki, avqustun 7 Tovuz rayonunda ermənilərin kəşfiyyat-diversiya qrupu qoşunların təmas xəttini keçməyə cəhd göstərmişdi. Əsgərlərimizin sayıqlığı nəticəsində təxribat-diversiya qrupunun 4 üzvü məhv edilib, daha bir üzvü Berd rayonun Çinari kənd sakini 1989-ci il təvəllüdlü Karen Petrosyan isə tutulmuşdu. Lakin Karen Petrosyan səhəri günü qəflətən naməlum səbəbdən ölmüşdü.