O, bu mövsüm ölkəmizdə işləyəcək ikinci türk məşqçi ola bilər
“Qalatasaray”da Fatih Terimin vaxtında köməkçi məşqçi işləyən Ümit Davalanın karyerasını ölkəmizdə davam etdirə biləcəyi iddia edilib.

, “Qalatasaray”la yollarını ayırdıqdan sonra boş qalan Ümit Davala Azərbaycan Premyer Liqasında mübarizə aparan klublarından birinin təmsilçiləri ilə danışıqlar aparır. Bu haqda Türkiyə mətbuatı yazıb.

Ümit Davalanın da Azərbaycanda işləmək niyyəti olduğu bildirilir. Lakin bundan əvvəl isə şərtlərlə tanış olmalı və razılıq əldə edilməlidir.

Qeyd edək ki, əgər danışıqlar müsbət nəticə verərsə, o, “Xəzər Lənkəran”ın çalışdırıcısı Oğuz Çətindən sonra Azərbaycanda bu mövsüm işləyəcək ikinci türk məşqçi ola bilər.