Səudiyyə Ərəbistanı qlobal terrorizmlə mübarizə aparmaq üçün 100 milyon dollar vəsait ayırdığını açıqlayıb. APA-nın “Əl-Cəzirə” in verdiyi xəbərə görə, Səudiyyə Ərəbistanı kralı qlobal terrorizmlə mübarizə aparmaq üçün BMT-yə 100 milyon dollar vəsait ayırdıqlarını açıqlayıb. Bu barədə çek BMT-nin baş ofisində baş katib Pan Gi Muna təqdim edilib.

Təqdimat zamanı Pan Gi Mun Səudiyyə Ərəbistanın bu addımının təqdirəlayiq olduğunu və son zamanlar bir sıra ölkələrdə terror hadisələrinin artmasından narahatlığını bildirib. Səudiyyə Ərəbistanının BMT-dəki səfiri Adel əl-Cubeyir terrorun bir bəla olduğunu və bütün ölkələrə təsir etdiyini söyləyərək yalnız birgə əməkdaşlıq nəticəsində bu təhlükənin öhdəsindən gəlməyin mümkün olduğunu vurğulayıb.