Ukrayna BMT Təhlükəsizlik Şurasına müraciət edərək Rusiyanın təcavüzünü dayandırmağa çağırıb.

UNİAN agentliyinin verdiyi xəbərə görə, bunu BMT Təhlükəsizlik Şurasının iclasında Ukraynanın BMT-dəki nümayəndəsi Aleksandr Pavliçenko bəyan edib.

“Rusiya Ukraynaya qarşı birbaşa hərbi müdaxiləyə əl atıb. Biz, ukraynalıların və rusların həyatlarını qorumaq naminə Rusiya qoşunlarının Ukraynanın ərazisindən çıxarılmasını tələb edirik. Həmçinin tələb edirik ki, Rusiya ATƏT-in vasitəçiliyi ilə Ukrayna-Rusiya sərhədində nəzarəti gücləndirsin, separatçılara silah-sursat və canlı qüvvə ilə köməyini dayandırsın”, Pavliçenko deyib.