Yeni dərs ilinin başlanması ilə əlaqədar "Azərbaycan Dəmir Yolları" QSC sentyabrın 10-dan sonra yerli istiqamətlərdə hərəkət edən qatarlara əlavə vaqonlar qoşacaq. Bu barədə cümə axşamı QSC-nin mətbuat xidmətinin rəhbəri Nadir Əzməmmədov məlumat verib.
Onun sözlərinə görə, hazırda QSC yeni dərs ilinin başlanması ilə əlaqədar (15 sentyabr) sərnişin axınının artmasına hazırlıq görür: "Sərnişin axınının çoxalması ilə əlaqədar sentyabrın 10-da regionlardan Bakıya və əks istiqamətdə hərəkət eən bütün reyslər üzrə qatarlara əlavə vaqonların qoşulması planlaşdırılır".
N.Əzməmmədov beynəlxalq reyslərə əlavə vaqonların qoşulmasının mümkünlüyünə dair suala cavab verərkən belə zərurətin olmadığını bildirib.