Bu gecə Azərbaycanda zəlzələ baş verib. Kəpəz TV bu barədə xəbər verir.
Seysmoloji Xidmət Mərkəzinin direktoru Qurban Yetirmişlinin sözlərinə görə, yeraltı təkanlar yerli vaxtla saat 00:59-də, Qazaxdan 26 km şimalda Ağstafa rayonu ərazisində baş verib. Onun sözlərinə görə, bu ərazidə son bir həftə ərzində çoxlu sayda kiçik zəlzələlər qeydə alınıb.
Onların gücü 0,7-1,2 bal arasında dəyişib. Budəfəki yeraltı təkanların gücü 3 baladək olub.