Çovqan oyununu at əvəzində velosipedlə oynadılar

Gənclər Fondunun dəstəyi ilə Bakıda İlk dəfə Gənclərarası Müasir Polo yarışması keçirilib.
Bu layihənin keçirilməsində məqsəd gəncləri kreativ və qeyri- adi tərzdə qədim Azərbaycanda yaranmış olan Çovqan-Polo oyunu ilə bağlı məlumatlandırmaq və bu oyun üzrə yarışma təşkil etməkdən ibarət olub. Bu barədə məlumat verən layihə rəhbəri Seymur Nuriyevin sözlərinə görə burada yarışmaya müasirlik və maraq qatan - yarışda atların əvəzinə velosipedlərin istifadəsi olub:
" Bütün iştirakçılar at əvəzinə velosipedlərlə təchiz olunmuşdu. Yarışmada hər birində 3 nəfər olmaqla 8 komanda iştirak edirdi. Bu komandalar arasında olimpiya sistemi üzrə yarış təşkil olundu".
Xatırladaq ki, sonda qaliblər layihə təşkilatçıları və Azərbaycan Gənclər Fondu tərəfindən qiymətli hədiyyələrlə təltif olunub.