Suriyadan atılan mərmi Şanlıurfada yaşayış evini dağıdıb
İŞİD terror qruplaşmasının Suriyadan minaatandan atdığı mərmi Türkiyə ilə sərhəddə yerləşən Şanlıurfa vilayətində yaşayış evlərindən birinə düşüb.

İlkin məlumata görə üç nəfər yaralanıb. Top mərmisi dağıtınlar yaradıb. Daha bir top isə Suruc rayonunda boş ərazilərə düşərək partlayıb. Bölgədə təhlükəsizlik tədbirləri gücləndirilib və sakinlər köçürülüb. Türkiyə Silahlı Qüvvələri bütün atəşlərə artilleriya atəşi ilə cavab verib.

“Doğan” xəbər agentliyinin məlumatına görə, İŞİD qüvvələri artıq Türkiyə sərhədindən 250 metr məsafədədir. İŞİD-lə Peşmərgə - kürd qüvvələri arasında atışmalar şiddətlənib. Yerli əhali zorakılıqlardan qaçaraq Türkiyə sərhədlərinə üz tutub.