Ermənistan Silahlı Qüvvələrinin atəşkəsi pozması nəticəsində mülki Azərbaycan vətəndaşı yaralanıb.

APA-nın Qarabağ bürosunun xəbərinə görə, hadisə bu gün saat 13.00 radələrində Ağdam rayonundan keçən təmas xətti yaxınlığında baş verib.

Ağdam rayon Orta Qərvənd kənd sakini, 1965-ci il təvəllüdlü Həsənova Elmira Mənsur qızı açılan atəş nəticəsində ayağından güllə yarası alıb.

Yaralı Ağdam Mərkəzi Rayon Xəstəxanasına yerləşdirilib.