“Traxtur” futbol komandasının tərəfdarları sentyabrın 30-da Təbrizin “Səhənd” stadionunda keçiriləcək oyunda etiraz əlaməti olaraq 10 dəqiqəlik sükut edəcəklər. Həmin gün Təbriz komandası öz meydanında Kirmanın “Mis” klubunu qəbul edəcək.
Keçirilən aksiya ilə bağlı bir qrup “Traxtur” tərəfdarı vərəqələr yayıb. Vərəqələrdə qeyd olunur ki, bu etiraz yaralanmış “Trxatur” tərəfdarlarının tökülən qanının hörmətinə həyata keçirilir: “Bu qanlar stadionlarda türklərə qarşi edilən təhqirlər və futbol federasiyasinin “Traxtur”a qarşı qərəzli siyasəti ilə yadda qalmaqdadır”.
“Traxtur” tərəfdarları bildiriblər ki, “Traxtur”a qarşı ədalətsizlik davam edərsə, daha şiddətli reaksiya göstərəcəklər.