Suriyanın paytaxtı Dəməşq şəhərində 2 partlayış baş verib. Terror aktları nəticəsində azı 30 nəfərin öldüyü, 50-dən çox adamın yaralandığı barədə xəbər yayılıb. Ölənlər arasında həm hərbçilər, həm də mülki şəxslər var.

Partlayışları 2 terrorçu-kamikadzenin törətdiyi bildirilir. Onlar bomba yüklənmiş avtomobillərlə eyni anda Dövlət Təhlükəsizlik Baş İdarəsi və bu quruma məxsus başqa binaya daxil olublar.

Suriya hakimiyyəti terroru “Əl-Qaida”nın törətdiyini açıqlayıb.