“Türkiyədə olan suriyalı qaçqınların ümumi sayı 1 milyon 600 min nəfərdir. Onlardan təxminən 180 min nəfəri Eynul Ərəbdən (Kobani) gələnlərdir”. Lent.az-ın xəbərinə görə, bu sözləri baş nazirin yanındakı fövqəladə hallar komissiyanın sədri Fuad Oqtay “Anadolu” agentliyinə açıqlamasında bildirib. F.Oqtay Türkiyə dövlətinin Suriyadan gələn qaçqınlara yardımı davam etdirəcəyini söyləyib: “Suriyalı qaçqınlara beynəlxalq miqyasda Türkiyə qədər yardım edən ikinci ölkə yoxdur”.