İstanbul təmsilçisi Londonda stadiona vurulan zərəri ödəyəcək
UEFA "Qalatasaray" klubunu cəzalandırıb.

Londonda keçirilən "Arsenal"la matçda türk azarkeşlərin qalmaqal yaratması səbəbindən cəzalandırılıb. İstanbul təmsilçisi 50 min avro cərimə edilib. Bundan başqa "Qalatasaray" 30 gün ərzində "Arsenal"la əlaqə quraraq türk azarkeşlərin sındırdığı oturacaqların zəririni də ödəməlidir.

Qeyd edək ki, Çempionlar Liqası turniri çərçivəsində keçirilən "Arsenal"-"Qalatasaray" matçının 34-cü dəqiqəsində türk azarkeşlər meydana məşəllər atmışdılar. Qarşılaşma isə 4:1 hesabı ilə "Arsenal"ın xeyrinə yekunlaşmışdı.