K1 üzrə “Əfsanələr” döyüşünün qalibi Dubayda qələbə qazanıb
Azərbaycanlı K-1 ustası Zabit Səmədov növbəti döyüşünü keçirib.

“Mauqli” ləqəbli döyüşçümüz Zabit Səmədov “Global Fighting Championship” (GFC) adlı turnirdə iranlı döyüşçü Cafar Ahmadi ilə üz-üzə gəlib.

Gərgin mübarizə şəraitində keçən kikboksinq döyüşü oktyabr ayının 16-da baş tutub.

Qeyd edək ki, döyüşə ciddi şəkildə hazırlaşan Zabit Səmədov bir neçə gün əvvəl türkiyəli məşhur kikboksçu Gökhan Saki ilə məşq etdiyi barədə məlumat yaymışdı.