Türkiyənin şimal-qərbində yerləşən Bartın vilayətindəki kömür mədənində uçqun baş verib.
"Anadolu" agentliyinin verdiyi məlumata görə, dağıntılar altında 3 Çin vətəndaşı qalıb. Onlar mədəndə müqavilə üzrə işləyirlərmiş.
Qeyd edək ki, bu, Türkiyədə son 10 gündə mədənlərdə baş vermiş üçüncü hadisədir.
Oktyabrın 28-də ölkənin Karaman vilayətindəki kömür mədənində də uçqun baş vermişdi. Dağıntılar altında qalan 18 nəfəri hələ də xilas etmək mümkün olmayıb.