Nazirlər Kabineti Təhsil Nazirliyinin təklifi ilə orta məktəblərdə dərs rejimini dəyişib. Yeniliyə əsasən, ümumtəhsil məktəblərində dərs məşğələləri sentyabrın 15-də başlayıb iyunun 14-də başa çatacaq.

Dərs ili ərzində 5 gün payız tətili (16-20 noyabr), 5 gün qış tətili (27-31 yanvar) olacaq.

İbtidai siniflər üçün 5 günlük (1-5 may) əlavə yaz tətili müəyyən ediləcək.

İndiyə qədər orta məktəblərdə dərs məşğələləri sentyabrın 15-də başlayıb mayın 31-də başa çatırdı. Dərs ili ərzində 6 gün payız tətili (12-17 noyabr), 7 gün qış tətili (30 dekabr-5 yanvar), 8 gün yaz tətili (17-24 mart) verilirdi. Birinci siniflər üçün 6 günlük (12-17 fevral) əlavə tətil müəyyən edilmişdi.