Azərbaycan millisinin FİFA reytinq siyahısında durumu daha da ağırlaşıb. Apasport.az saytının məlumatına görə, vəziyyətin bu həddə çatmasına səbəb AVRO-2016-nın seçmə qrup mərhələsi çərçivəsində Norveçlə Bakıdakı oyununun nəticəsidi.

“Bakcell Arena”da keçirilən qarşılaşmada 0:1 hesabı ilə uduzan komandamız növbəti xal itkisinə üzülüb. Bu məğlubiyyətdən sonra millimizin hesabından daha 18 xal azalıb.

Belə ki, FİFA-nın oktyabr reytinqində 126-cı yerdə olan yığmamızın aktivində 233 xal var idisə, bu rəqəm 215-ə enib. Komandamızın bu ay açıqlanacaq siyahıda təxminən 5-6 pillə geriləyəcəyi, 14-cü “onluğ”a yuvarlanacağı gözlənilir.