“NATO-nun Türkiyədə quraşdıracağı raketdən müdafiə sistemi (RƏM) bir növ güc nümayişidir. Ancaq əslində düşmənin zəifliyini və çarəsizliyini göstərir". Bunu İranın “Cəm-e Cəm” kanalına müsahibəsində ölkənin müdafiə nazir Əhməd Vahidi bildirib. Onun sözlərinə görə, öz ərazisində belə bir sistemin quraşdırılmasına icazə verən ölkə mütləq lazımi önləyici tədbirlər də almalıdır.
Qeyd edək ki, İran rəsmilərinin NATO-nun raketdən müdafiə sisteminin Malatya şəhərində quraşdırılacağı açıqlanandan sonra Türkiyəyə yönəlmiş təhdidləri iki ölkə arasında zaman-zaman gərginliyə səbəb olur.