Qarabağ-ın qrupda qalmasına çox təssüfləndim"
Ötən gün Bakıda keçirilən "Qarabağ" "İnter" matçında qolun hesaba alınmaması mübahisələrə səbəb olub.

"İnter"in baş məşqçisi Roberto Mancini UEFA Avropa Liqasında Azərbaycan təmsilçisi "Qarabağ'la oyundan sonra açıqlama verib.

Mançini "Qarabağ" üçün çox təəssüfləndiyini deyib.

"Bu gün iki komandadan da yaxşı performans gördük. Stadionda yaxşı mübarizə var idi. Gözəl oyunda əksik olan tək şey qol oldu. Ancaq oyunçularımın qalibiyyət üçün savaşmaları məni sevindirdi. "Qarabağ"ın qrupda qalmasına çox təəssüfləndim. Son 32-yə qalacaq performans göstərdilər. Amma başqa oyunların nəticələri onlar üçün pis oldu. "Qarabağ" yaxşı komandadır. Təhlükəli komanda olduqlarını göstərdilər".

Xatırladaq ki, "Qarabağ" Avroliqanın qrup mərhələsinin son oyununda Bakı Milanın "İnter" klubunu qəbul edib. Oyunun son dəqiqələrində "Qarabağ" rəqib qapıya yol tapsa da baş hakim heç bir əsas gətirmədən qolu qeydə almayıb.