Traxtur takımı Birləşmiş Ərəb Əmirliklərinə və Qostərüşe fulad Türkiyəyə gedir

Təbrizin məşhur “Traxtur “və “Qostəreşe fulad” futbol komandaları gələcək həftələrdə xaric ölkələrə səfər edəcəklər.
İran üzrə futbol klublarının super liqa rəqabətləri Asiya millətlər kuboku müsabiqələri ilə əlaqədar bir neçə həftəlik dayandırılıb. O üzdən “Traxtur” və “Qostəreşe fulad” komandaları xaric ölkələrdədə hazırlıq və təlim-məşq işləri üçün fürsət tapıb. Məlumata görə, “Traxtur” komandası 2015-ci il yanvarın 30-da (1393-cü il bəhmənin 10-da) Birləşmiş Ərəb Əmirliklərinin (BƏƏ) Dubay şəhərinə səfər edəcək. 10 günlük səfərdə dostluq yarışı da nəzərdə tutulub.

Təbrizin Qostəreşe fulad takımı isə 2015-ci il yanvarın 7-də Türkiyəyə gedəcək. İki həftəlik səfərdə 3 dostluq görüşü nəzərdə tutulub.